பிரதமர் மோடி இன்று பிரான்ஸ் செல்கிறார்: ஐக்கிய அரபு அமீரகத்துக்கும் பயணம்
The Forecast 2 years ago உலக செய்திகள்
பிரதமர் மோடியை பிரான்ஸ் நாட்டுக்கு வருமாறு பிரான்ஸ் அதிபர் இமானுவேல் மெக்ேரான் அழைப்பு விடுத்திருந்தார். அதை ஏற்றுக்கொண்டு, 2 நாள் பயணமாக பிரதமர் மோடி இன்று (வியாழக்கிழமை) பிரான்ஸ் செல்கிறார்.
பிரான்ஸ் தலைநகர் பாரீசில் நாளை (வெள்ளிக்கிழமை) பிரான்ஸ் தேசிய தினத்தையொட்டி, அணிவகுப்பு நடக்கிறது. அதில், பிரதமர் மோடி சிறப்பு விருந்தினராக கலந்து கொள்கிறார். இந்திய முப்படைகள் குழுவும் அணிவகுப்பில் பங்கேற்கிறது.
இப்பயணத்தின்போது, பிரான்ஸ் அதிபர் மெக்ரோனுடன் பிரதமர் மோடி பேச்சுவார்த்தை நடத்துகிறார். இந்த ஆண்டு, இந்தியா-பிரான்ஸ் ராணுவ உறவின் 25-வது ஆண்டு ஆகும். கலாசாரம், அறிவியல், பாதுகாப்பு, கல்வி, பொருளாதாரம் ஆகிய துறைகளில் ஒத்துழைப்பை அதிகரிப்பது குறித்து இருவரும் ஆலோசனை நடத்துகிறார்கள்.
0 Comments