மத்திய அரசு உடான் (UDAN) விமான இணைப்பு திட்டத்தை ₹28840 கோடி செலவில் விரிவுபடுத்த அனுமதி வழங்கியுள்ளது.
இந்த புதிய திட்டம் முந்தைய ஒதுக்கீட்டைவிட பல மடங்கு அதிகமாக இருப்பதால், விமான நிலையங்கள் மேம்பாடு மட்டுமின்றி அவற்றின் செயல்பாடு மற்றும் பராமரிப்புக்கும் ஆதரவு வழங்கும் வகையில் உருவாக்கப்பட்டுள்ளது. குறிப்பாக இரண்டாம் மற்றும் மூன்றாம் நிலை நகரங்களுக்கு விமான சேவையை அதிகரிப்பதே இதன் நோக்கமாகும்.
முக்கிய மாற்றமாக, இந்த வழித்தடங்களில் இயங்கும் விமானங்களுக்கு வழங்கப்படும் மானியம் இப்போது நேரடியாக மத்திய அரசால் வழங்கப்படும். முன்பு, இந்த மானியம் உடான் அல்லாத விமான பயணிகளிடம் வசூலிக்கப்பட்ட கட்டணத்தின் மூலம் வழங்கப்பட்டது.
இந்த மாற்றம் பயணிகளின் சுமையை குறைத்து, விமான நிறுவனங்களுக்கு நேரடி ஆதரவை வழங்கும் என எதிர்பார்க்கப்படுகிறது. மேலும், நாட்டின் பல பகுதிகளில் சமமான வளர்ச்சியை உறுதிப்படுத்தவும் இது உதவும்.
இந்த திட்டம் பிராந்திய விமான சேவையை வலுப்படுத்தும் ஒரு முக்கிய முன்னேற்றமாக பார்க்கப்படுகிறது.
0 Comments