நாடு முழுவதும் மே 3ஆம் தேதி நடைபெற்ற நீட் தேர்வை தேசிய தேர்வு முகமை ரத்து செய்துள்ளது. ராஜஸ்தானில் வினாத்தாள் கசிவு தொடர்பான குற்றச்சாட்டுகள் எழுந்ததை தொடர்ந்து இந்த முக்கிய முடிவு எடுக்கப்பட்டுள்ளது.
நீட் தேர்வு வரலாற்றில் முதல்முறையாக நாடு முழுவதும் தேர்வு ரத்து செய்யப்பட்டிருப்பது பெரும் கவனத்தை பெற்றுள்ளது. வினாத்தாள் கசிவு மற்றும் முறைகேடு குறித்த தகவல்கள் வெளியாகியதை தொடர்ந்து மாணவர்கள், பெற்றோர் மற்றும் கல்வி அமைப்புகள் கடும் எதிர்ப்பு தெரிவித்திருந்தன.
தேசிய தேர்வு முகமை வெளியிட்ட தகவல்படி, இந்த தேர்வை எழுதிய சுமார் 23 லட்சம் மாணவர்கள் பாதிக்கப்பட்டுள்ளனர். மறுதேர்வுக்காக மாணவர்களிடம் எந்த கட்டணமும் வசூலிக்கப்படாது என்றும், தற்போது வழங்கப்பட்ட பதிவெண்களே தொடர்ந்தும் செல்லுபடியாக இருக்கும் என்றும் அதிகாரிகள் விளக்கம் அளித்துள்ளனர்.
மறுதேர்வுக்கான தேதி பின்னர் அறிவிக்கப்படும் என தெரிவிக்கப்பட்டுள்ளது. பாதுகாப்பு ஏற்பாடுகள் மற்றும் தேர்வு நடைமுறைகள் மீண்டும் ஆய்வு செய்யப்பட்டு புதிய அட்டவணை வெளியிடப்படும் என கூறப்பட்டுள்ளது.
இந்த தேர்வு ரத்து நடவடிக்கை, நாட்டின் கல்வித்துறையில் முக்கிய விவாதமாக மாறியுள்ளது. தற்போது மாணவர்கள் மற்றும் பெற்றோர் மறுதேர்வு தொடர்பான அடுத்த அறிவிப்புகளை எதிர்பார்த்து காத்திருக்கின்றனர்.
0 Comments