பாமக இணைந்தால் திமுக கூட்டணியில் இருந்து விலகுவோம்: விடுதலைச் சிறுத்தைகள் கட்சி தலைவர் திருமாவளவன்
The Forecast 2 months ago அரசியல் செய்திகள்
திமுக கூட்டணிக்கு ராமதாஸ் தரப்பு பாமக இணைந்தால், அந்த கூட்டணியிலிருந்து விலகும் முடிவு எடுக்கப்படும் என விடுதலைச் சிறுத்தைகள் கட்சி தலைவர் திருமாவளவன் தெரிவித்தார். தனியார் தொலைக்காட்சி நேர்காணலில் பேசிய அவர், பாமக சாதி அடிப்படையிலான வெறுப்பு அரசியலை பரப்புவதாக குற்றம்சாட்டினார். பிளவு அரசியல் செய்பவர்களுடன் எந்த காலத்திலும் கூட்டணி இல்லை எனவும் திட்டவட்டமாக கூறினார். சில தினங்களுக்கு முன்பு, கூட்டணி தொடர்பான திமுக முடிவுகளில் விசிக தலையிடாது என தெரிவித்திருந்த நிலையில், இப்பேச்சு அரசியல் வட்டாரத்தில் கவனம் பெற்றுள்ளது. கூட்டணிகளில் கொள்கை தெளிவே முக்கியம் என்பதே விசிக நிலைப்பாடு என அவர் கூறினார்.
0 Comments