மத்திய அமைச்சர் தர்மேந்த்ரா பிரதான், அடுத்தாண்டு முதல் நீட் தேர்வு கணினி வழியில் நடத்தப்படும் என அறிவித்துள்ளார். தேசிய அளவிலான மருத்துவ நுழைவுத்தேர்வு நடைமுறைகளை மேலும் மேம்படுத்தும் நோக்கில் இந்த மாற்றம் கொண்டு வரப்படுவதாக தெரிவிக்கப்பட்டுள்ளது.
கணினி வழி தேர்வை நடத்த தேவையான கட்டமைப்புகள் மற்றும் தொழில்நுட்ப வசதிகள் நாடு முழுவதும் உருவாக்கப்படும் என ஒன்றிய கல்வி அமைச்சர் தெரிவித்துள்ளார். தேர்வு மையங்கள், கணினி வசதிகள் மற்றும் பாதுகாப்பு அமைப்புகள் உள்ளிட்ட அனைத்து ஏற்பாடுகளும் கட்டப்படியாக செயல்படுத்தப்படும் என அதிகாரிகள் கூறியுள்ளனர்.
தேர்வு நடைமுறைகளில் எந்த தவறும் நடைபெறாத வகையில் கடுமையான பாதுகாப்பு நடவடிக்கைகள் மேற்கொள்ளப்படும் என்றும் அவர் உறுதியளித்துள்ளார். சமீப காலங்களில் தேசிய அளவிலான தேர்வுகள் தொடர்பாக எழுந்த விவாதங்கள் மற்றும் பாதுகாப்பு கவலைகளை தொடர்ந்து இந்த அறிவிப்பு முக்கியத்துவம் பெற்றுள்ளது.
தேசிய தேர்வு முகமை ஆண்டுதோறும் சுமார் ஒரு கோடி மாணவர்களின் தேர்வுகளை நடத்தி வருகிறது. கணினி வழி தேர்வு முறை மூலம் கண்காணிப்பு வசதிகள் மேம்படும் என்றும், தேர்வு நிர்வாக செயல்முறைகள் மேலும் துல்லியமாக இருக்கும் என்றும் கல்வித்துறை அதிகாரிகள் தெரிவித்துள்ளனர்.
நீட் தேர்வை நவீன தொழில்நுட்ப முறையில் நடத்தும் இந்த புதிய திட்டம், தேர்வு செயல்முறையின் நம்பகத்தன்மை மற்றும் செயல்திறனை மேலும் வலுப்படுத்தும் முக்கிய முன்னேற்றமாக பார்க்கப்படுகிறது.
0 Comments