திருநெல்வேலி மாவட்டம், மணிமுத்தாறு தமிழ்நாடு சிறப்பு காவல் படை 9ஆம் அணி காவல் படையினருக்கு பாராட்டு : திருநெல்வேலி மாநகர காவல் ஆணையர் சி .மகேஸ்வரி இ.கா.ப., தொடங்கி வைத்தார்
S. Shanmuganathan 2 years ago திருநெல்வேலி
திருநெல்வேலி மாவட்டம் மணிமுத்தாறில் செயல்பட்டு வரும் தமிழ்நாடு சிறப்பு காவல் படை 9ஆம் அணியில் சிறப்பாக செயல்பட்ட அதிகாரிகள், வீரா்களுக்கு பாராட்டு தெரிவிக்கப்பட்டது.
சா்தாா் வல்லபபாய் படேல் தேசிய காவல் அகாடமியின் 75ஆம் ஆண்டு விழாவையொட்டி, 2023 அக். 27 முதல் 2024 ஜன.9 வரை காவல் துறையினரின் உடல்நலத்தை மேம்படுத்தும் வகையில் பிட்ரைஸ் என்ற நிகழ்ச்சி அகில இந்திய அளவில் நடத்தப்பட்டு வருகிறது. இதில், தினந்தோறும் 5 கி.மீ. முதல் 8 கி.மீ. வரை ஓட்டம் உள்ளிட்ட உடற்பயிற்சிகள் மேற்கொள்ளப்பட்டு வருகின்றன.
இந்த நிகழ்சியின் 50ஆவது நாள் பயிற்சியை திருநெல்வேலி மாநகர காவல் ஆணையா் சி.மகேஸ்வரி,இ.கா.ப., மணிமுத்தாறு, தமிழ்நாடுசிறப்பு காவல் படை 9ஆம் மைதானத்தில் கொடியசைத்து தொடங்கிவைத்தாா். மேலும், பிட்ரைஸ் 75 நிகழ்ச்சித் தொகுப்பில் அகில இந்திய அளவிலான 1,222 உள் பிரிவுகளில் 5ஆவது இடத்தில் உள்ள மணிமுத்தாறு சிறப்புக் காவல் படையின் 984 அதிகாரிகள், காவலா்கள், குடும்பத்தினா், அமைச்சுப்பணியாளா்கள் ஆகியோரைப் பாராட்டினாா்.
தமிழ்நாடு சிறப்பு காவல் 9ஆம் அணி கமாண்டென்ட் டி.காா்த்திகேயன், ஆய்வாளா் ஏ.கண்ணன், காவல் உதவி ஆய்வாளா்கள் ஜி.லாவண்யா, பி.ஜெயசித்ரா, எம். மாணிக்கம், அவில்தாா்கள் வெங்கடேஷ், ரம்யா, ரெஞ்சிமோலி, நாயக் சகாயஜேம்ஸ் ராஜாசிங் ஆகியோருக்குப் பாராட்டி சான்றிதழ் வழங்கினாா்.
0 Comments